احب ان امتعكم اليوم بواحده من اعظم قصائد الشاعره السودانيه المبدعه نضال حسن الحاج
انا لا ابراهيمك لا روياك
انا لافرعونك لاموساك
لاثعبانك لانى عصاك
انا بس يادابك ساكنه مسامك
وجبرا جاريه مجارى دماك
ومقطع اول
ماغشيتك
اتوكيتا عصات احلام تخلت واديك
عفوا ناديتك؟؟؟؟؟؟؟
وشلتك ريحه مطره وقبلى ولعت نارك يوم خشيتك
ودقيت بابى واستاذنت وفتحت الباب بسراع لاقيتك
وعشعش فينى خيالك جوه .
..وكت الزول الضعف القوه
وكت انت ادم وكت انا حواء
سلبت الريد الصادق منى وكان الريد مسكين بتلوه
ودون ما اشعر كت بحتاجك.؟؟؟؟؟.
كت بحتاجك لما تعفرت سحب الوجعه ..تسكن خوفى
وكت بحتاجك لما تطش الكلمه الحلوه تلولى حروفى
وكت بحتاجك تملاء فراقك فينى وتسكن اخر جوفى
وتبقى القلب النابض انت ورهف احساسى وعافيه شوفى
ومقطع تانى
ولاناديتك
الناداك احساسى وشوقى الشد خيولى وقت لاقيتك
وجيبتك منى جنين مستوطن عصب الفكره وقم تاتيتك
ويوم فرعون الزمن الظالم فتش عنك انا تاويتك
واوحى خيالى توانس روحى يم احساسى المرهف جيتك
وكان تابوتك انى اوسد ذاتى مسامك وفجاه ،، رميتك
ولما رميتك
اتمازجتا الولدالفطره
واتكونت الريد الفكره
وكت صباح الليله وبكره
وشعاع الزمن الغاتم ونور الحاضر
وذات الذكرى
ومقطع ثالث
ولاغنيتك
الغناك دا الوتر الحاير وانا مابنكر اني هويتك
واستنيتك ..لا وصلتك لا شريتك
انا لادرتك لانى ابيتك
لاطلقتك لا رديتك
اتيممتك واتوضيتك
لا استنشقتك عنصر ثالث بدى مجال لى اى تاكسد
فوق كريات الريد فى بيتك
انا ادمنتك لما عقاب الزمن استوطن فينى خراب
ورجعتا مشيتك سكه تلملم عقاب الحسره وتخسف بى
لو ما داريتك ؟
وانا داريتك
بين شطئان البال والخاطر
وفى ضل الغيم الماطر
وفى همسات اطفال بتغنى
فاطمه السمحه وحسن الشاطر
ويانى السمحه وياكا الشاطر
لانى زليخه عشان ما اراوضك
.ولاكت يوسف اشان ماتابا
لا شديتك عود وربابه
ولادقيت ايقاعك نبتا
ولاحرشتك تمشى الغابه
ولاكلمت البحر يتبخر عشان ماتطلع انت سحابه
ومقطع خامس
انا بالجد بالجد حبيتك
وانا بتوكل ادخل جواك مادام بالانفاس تاويتك
وانا بدخل عصبك عنوه وتدخل جواى ياريتك ..
وينو غناى لو ماغنيتك
وشن غنيت لو ماغنيتك
ويانى عصير زيتونك ونارك
ونور مشكاتك ونورك وزيتك
بس ياريت لو تمسس روحك فكره
انى نسيت اسمى ومانسيتك
انا لا ابراهيمك لا روياك
انا لافرعونك لاموساك
لاثعبانك لانى عصاك
انا بس يادابك ساكنه مسامك
وجبرا جاريه مجارى دماك